प्रिय साथी...
.jpg)
एक्लो हुँदा, सबैसँग हुँदा
समीपमा तिमि मसँगै हुन्छौ ।
नजिक हुँदा, टाढा कतै जाँदा
प्रायः मेरै छेऊमा रहन्छौै ।
खुसी हुँदा छोड्दैनौ मलाई
दुखी हुँदा त झनै के साथ छोड्थ्यौ र ?
त्यसैले त तिमि मेरो प्रिय साथी ।
म तिमिभित्र बुद्ध देख्ने गर्छु
सोच्छु, म पनि बौद्धिक हुन पाए....
ज्ञान बाँढ्ने त अचेल निकै कम भए
त्यसैले त तिमि मेरो प्रिय साथी ।
खै, संसार केहीऽऽको पछि दौडिरहेछ
म त तिमिमा नै संसार देख्ने गर्छु
मौनतामा पनि खुसी छु अचेल
बस् तिमी छौ, मेरो प्रिय साथी ।
छाकै टारेर तिमिलाई किनेको छु कैयौँपटक
व्यस्ततामा पनि घोरिने गर्छु तिमिमा
मान्छेमा भन्दा तिमिमा जीवन देख्छु अचेल
त्यसैले त तिमि मेरो प्रिय साथी ।
Read more:
Comments
Post a Comment